मेची-काली सिंगार्नु छ

मेची-काली सिंगार्नु छ बिन्ती वाधा नबनिदेऊ
फूल रोप्ने मालीहरु बिन्ती टाढा नबनिदेऊ

जसले जे गरे हुन्छ ? गरिबहरु मरे हुन्छ ?
कुरितीलाई काँध दिने बिन्ती साँढा नबनिदेऊ

जून-तारा छेकिदिने अलच्छिनी कालो बादल
वास छरी फुल्नु छ है बिन्ती काँडा नबनिदेऊ

नयाँ विउ उमारेर नौलो फूल फुलाऔं न
कलिला ती मुना भाँची बिन्ती छाडा नबनिदेऊ

बल्ल तल्ल न्यानो घामको पना मिलेको छ
मुटु काँप्ने ठिहीमाथि बिन्ती जाडा नबनिदेऊ