Friday, September 11, 2009

बगाएर लानु सबै

कोही बग्नु मेची बनी कोही महाकाली
बगाएर लानु सबै जति छन् ती जाली

बन्दैनन् कोही पनि अत्याचारको हली अब
सर्वहारा जनगीत यो गाऔं सुर हाली

छिर्दैछन् है मुसा फेरि धनसार भत्काउन
साँचोभित्र पार्नुपर्छ हेरौं दुलादाली

युगौंदेखि खोसिएको आमा तिम्रो अधिकार
बदलामा उठौं अब हीनतालाई फाली

मुस्काउनेछन् बास्ना छरी राता पुूलहरु
औजार लिई घुम्छ जब बगैंचामा माली

1 comment:

  1. Bipal G
    Gajal ati ramro, sarai man paryo.Abasya badala linaka lagi agadi badhanu parcha.

    ReplyDelete